რა არის ქალის კონდომი?

​

ქალის კონდომი ჩასახვის საწინააღმდეგო (კონტრაცეპტული) საშუალებაა, რომელსაც ბარიერული მოქმედება აქვს, ანუ იცავს საშვილოსნოს სპერმის  შეღწევისგან და ხელს უშლის განაყოფიერებას.  

ეს არის  გამჭვირვალე, ელასტიკური „მილი“, რომელსაც ორივე მხარეს რგოლები აქვს. კონდომები ლატექსისგან ან პოლიურეთანისგან კეთდება და მისი სიგრძე დაახლოებით 8 სმ-ია.

ქალის კონდომი შეგიძლიათ გამოიყენოთ  არა მხოლოდ ორსულობისგან, ასევე სქესობრივი გზით გადამდები ინფექციებისაგან თავის დასაცავადაც.

დაავადებათა კონტროლისა და პრევენციის ცენტრის (CDC) თანახმად, წელიწადში 100  ქალის კონდომის გამოყენებიდან  მხოლოდ 21 შემთხვევაში ფიქსირდება ორსულობა, ხოლო კაცის კონდომის გამოყენების შემთხვევაში- 18-ჯერ. ამიტომაც ეფექტურობის მხრივ კაცის კონდომი ოდნავ უფრო მეტად სანდოა, ვიდრე ქალის.

თუმცა ქალის კონდომსაც გააჩნია თავისი უპირატესობები :

• მოხერხებულია;

• გვერდით მოვლენებს,მათ შორის ალერგიულ რეაქციებს ნაკლებად იწვევს ;

• იცავს  ორსულობისა და სგგი-სგან (სქესობრივი გზით გადამდები ინფექციები);

• ზრდის სექსუალურ აღგზნებას;

• არ საჭიროებს  ერექციას;

• ზრდის პირად პასუხისმგებლობას, შესაბამისად უსაფრთხოებასაც;

• შეიძლება  გამოყენება მენსტრუაციის პერიოდში, ასევე ორსულობის ან მის შემდგომ პერიოდში;

• მოთავსება შესაძლებელია სქესობრივი კონტაქტის დაწყებამდე რამდენიმე საათით ადრე;

• გამოიყენება როგორც ვაგინალური, ისე ანალური სექსის დროს;

• მისი თხელი კედლებიდან გამომდინარე სქესობრივი კონტაქტისას არ ქვეითდება მგრძნობელობა;

 

რა უნდა იცოდეთ ქალის კონდომის გამოყენებამდე?

​

ქალის კონდომის  გამოყენებისას პირველ რიგში  ყურადღება უნდა მიაქციოთ მის სწორად მოთავსებას. უმჯობესია, კონდომი ვაგინაში სქესობრივ ურთიერთობამდე 20 წუთით ადრე მოითავსოთ, ასე ის  მოასწრებს საშოს კედლებზე მიკვრას. კომფორტისა და ეფექტურობის გასაუმჯობესებლად შეგიძლიათ გამოიყენოთ ლუბრიკანტი  ან სპერმიციდი.

 

 

 

​